لاہور (ایم این این): پاکستان کرکٹ بورڈ (پی سی بی) نے اتوار کو ویسٹ انڈیز اور انگلینڈ کے آئندہ دوروں کے لیے قومی ٹیسٹ اسکواڈز کا اعلان کرتے ہوئے بابر اعظم کو ٹیسٹ ٹیم کا نیا کپتان مقرر کر دیا ہے۔ وہ شان مسعود کی جگہ قیادت کی ذمہ داریاں سنبھالیں گے۔
قومی ٹیم پہلے ویسٹ انڈیز کا دورہ کرے گی، جہاں ٹرینیڈاڈ اینڈ ٹوباگو میں دو ٹیسٹ میچوں کی سیریز کھیلی جائے گی۔ پہلا ٹیسٹ 25 سے 29 جولائی جبکہ دوسرا 2 سے 6 اگست تک کھیلا جائے گا۔
ویسٹ انڈیز کے دورے کے بعد پاکستان ٹیم انگلینڈ روانہ ہوگی، جہاں تین ٹیسٹ میچوں کی سیریز شیڈول ہے۔ پہلا ٹیسٹ 19 اگست کو ہیڈنگلے، لیڈز میں، دوسرا 27 اگست کو تاریخی لارڈز گراؤنڈ میں جبکہ تیسرا اور آخری ٹیسٹ 9 ستمبر سے ایجبسٹن، برمنگھم میں کھیلا جائے گا۔
پی سی بی نے دونوں غیر ملکی دوروں کے لیے تجربہ کار اور نوجوان کھلاڑیوں پر مشتمل متوازن اسکواڈ کا اعلان کیا ہے۔
پاکستان ٹیسٹ اسکواڈ
کپتان: بابر اعظم
کھلاڑی: عامر جمال، عبداللہ فضل، علی عثمان، اذان اویس، امام الحق، خرم شہزاد، محمد عباس، محمد علی، محمد رضوان (وکٹ کیپر)، محمد اویس ظفر، محمد غازی غوری (وکٹ کیپر)، ساجد خان، سلمان علی آغا، سعود شکیل، شان مسعود اور عبید شاہ۔
پی سی بی کے مطابق سعود شکیل کی انگلینڈ ٹور کے لیے شمولیت ان کے فٹنس کلیئرنس سے مشروط ہوگی۔
